Os Trazantes de Tenorio recibimos o Premio “Irmáns Pichel” durante o VII Memorial de Ricardo Portela en Viascón, en recoñecemento pola nosa labor de promoción do folclore cotobadense alá onde imos.
Arquivos da categorría: Artigos
Festa do Requeixo na Corredoira 20 xuño 2010
23 Xuño, 2010 – 21:09 p.m.
O grupo de Os Trazantes remataron as festas que se celebraron este pasado fin de semana na veciña parroquia de A Corredoira (Cotobade). Alí veciños e rapaces bailaron o son dos nosos gaiteiros Andrea, Álvaro, Carlos e Jose xunto coas pandeiretas de Carmen, Esther e María.
Resaltar tamén que foi o día de estreno das nosas rapazas máis cativas do grupo Carme Garrido e as xemelgas Laura e Lucía Ovelleiro. Fixéronno moi ben e arrancaron moitos aplausos entre os asistentes á festa.
Serán de Viascón 19 xuño 2010
23 Xuño, 2010 – 21:01 p.m.
O pasado sábado poidemos comer unha boa sardiñada con pan e bo viño en Viascón, así como escoitar a nosa música tradicional a cargo de grupos como Os Trazantes , Chichisos, etc. nun pequeno serán que reuníu á xente nun ambiente moi festivo, en vísperas de San Xoán. Todo o mundo se puxo a cantar e a bailar ata a moi entrada a noite.
Feira de Cuspedriños 30 maio 2010
23 Xuño, 2010 – 20:53 p.m.
Como ven sendo habitual, Os Trazantes participaron novamente nesta nova edición da Feira ,que recolle o noso pasado máis lonxano. Fomos ata alí nuns vellos autobuses da empresa Cuíña, rememorando aqueles antigos viaxes que facían os nosos avós ou bisavós. Así, poidemos disfrutar dun día fermoso, en compañía da xente e doutras formacións como a Asociación do Traxe Galego ou Foula de Cotobade. O máis chamativo é poder ir vestido de época o cal nos divirte moitísimo a todos os que asistimos.
Cantar de Reises de Cotobade
21 Xuño, 2010 – 20:13 p.m.
O noso grupo de Cantareiras e Pandereteiras participaron, como veñen facendo nos últimos anos, no Certame de Cantares de Reises do Concello de Cotobade. Este ano gravouse un DVD coas pezas musicais e cantadas dos participantes dos distintos lugares do Concello, como Valongo, Caroi, Almofrey, San Xurxo…. O DVD contén pezas gravadas en direto e outras gravadas nos ensaios. Foi moi divertido!!!
ADSL EN COTOBADE ¡XA!
23 Novembro, 2006 – 10:14 a.m.
Se vos interesa asinar, contactade con Sonsoles no 649 87 05 85. Graciñas.
Don Manoel Loureiro AdánAlcalde do Concello de Cotobade
Chan, 11
Carballedo
Tenorio, 30 de novembro de 2006.
Prezado Sr. Alcalde:
Dirixímonos a vostede para poñerlle de manifesto que ben entrado o século XXI e en plena era da información e da comunicación o noso concello segue sen contar coas infraestructuras necesarias para o correcto uso dalgunhas tecnoloxías da información e da comunicación máis extendidas na actualidade.
De todos é ben sabido que Internet, hoxe por hoxe, constitúe unha ferramenta fundamental de traballo e comunicación, nembargantes, os veciños de Cotobade seguimos sen ter a posibilidade de contratar liñas de alta velocidade como si o poden facer os habitantes de concellos limítrofes como Pontevedra ou Cerdedo.
O obxecto desta carta non é outro que manifestar o descontento de moitos colectivos, empresas e particulares por este feito, para o cal asinan esta carta, coa esperanza de que o Concello poda intermediar coas compañías adicadas a prestar estes servizos.
Agardando poder contar en breve cunha liña ADSL en Cotobade, asinan esta carta:
Se vos interesa asinar, contactade con Sonsoles no 649 87 05 85. Graciñas.
Nova Xunta Directiva da A.C Os Trazantes de Tenorio
16 Setembro, 2006 – 17:22 p.m.
O pasado xoves 14 de setembro tivo lugar o relevo dos membros da Xunta Directiva da asociación. A actual xunta está composta por:
Nuria González (Presidenta)
María Pichel (Vicepresidenta)
Belén Suárez (Tesoureira)
Ana Casal (Secretaria)
Esther Fentanes (Voceira)
Sonsoles Martínez (Voceira)
Despois da magnífica xestión realizada pola xunta anterior a nova directiva agarda ilusionada continuar traballando pola continuidade e mellora da asociación. Tamén quere agradecerlle aos pais e aos membros da asociación a colaboración prestada durante o pasado curso.
Tenorio arde – literalmente
8 Agosto, 2006 – 08:02 a.m.
Tenorio arde, e non de calor de festa senón polos incendios forestais.
Todo o concello de Cotobade está en alerta máxima, e Tenorio está sitiado, pouco menos co Líbano, sen esaxerar.
É moi perigoso, e moi triste tamén. Todos deberiamos concienciarnos e coida-lo monte.
E os que montan este tipo de cousas, que saiban que son uns asasinos: de plantas, animais e persoas.
Ãnimo Tenorio.
Contactar no verán
7 Xullo, 2006 – 09:16 a.m.
Durante o verán, o método máis doado para contactar connosco (especialmente para actuacións) é o teléfono 619 13 04 68 (Anxo).
Carmiña non intercedeu. Comezada e rematada a tempada de concursos para Os Trazantes de Tenorio
5 Xuño, 2006 – 15:59 p.m.
Os Trazantes de Tenorio comezaron o pasado 28 de maio a súa tempada de concursos asistindo á fase eliminatoria do concurso de Xacarandaina e máis ao convocado polo grupo Malveiras en Vilagarcía de Arousa.
Os Trazantes fixeron o seu longo periplo acompañados dunha douradísima figura da Virxe do Carme que había de acompañar aos bailaríns na súa interpretación das Danzas de Riofrío. Mais a figura sufriu un aparatoso accidente uns intres antes de subir ao escenario Coruñés co cal o mal augurio estaba asegurado. Menos mal que o grupo de bailaríns alevíns mantivo o sangue frío e fixo unha fermosa e graciosa interpretación dunha muiñeira lucense acompañándose coas castañolas.
Pero o accidente de Carmiña tiña que pasar factura, e Os Trazantes sabíano, polo que non houbo sorpresas ao coñecer os resultados dos premios concursos. Para os que estean interesados pola saúde da santa, informamos de que, en breve, será trasladada ao taller de Fermín para a reintegración das partes danadas no accidente.