Trazantes.Com

Fin de Semana 31 xullo- 1 Agosto

Trazantes — Wed, 28 Jul 2010 19:48:22 +0000

Este vindeiro fin de semana Os Trazantes de Tenorio, para rematar o mes de xullo, amenizarán as Festas de Borela (31 de xullo)dende a primeira hora da mañá, co pasarrúas. Seguidamente, despois da misa, farán a actuación músicos e danzantes cunha exhibición de bailes da zona e do resto de Galicia.

O 1 de agosto, podedes vernos na Feira Cabalar de Cuspedriños, onde actuaremos a partir das 12h para acompañar aos asistentes a esta xuntanza.

Festas Patronais de Santiago de Viascón 25-07-10

Trazantes — Wed, 28 Jul 2010 19:42:43 +0000

Seguindo o seu labor folclórico-cultural Os Trazantes deron a alborada en Viascón ata o mediodía. Despois da misa das 13h amenizaron a sesión vermouth aos asistentes, coa súa música e danzas, a pesar da calor desas horas.

Festival de Moaña 24-07-10

Trazantes — Wed, 28 Jul 2010 19:38:07 +0000

Os Trazantes participamos na edición XII do Festival de Moaña o día 24 de xullo, xunto con outras agrupacións como a Agrupación Folclórico -Cultural de Breogán, Agrupación Charaviscas e Banda de Gaitas de Moaña.

VII Memorial de Ricardo Portela en Viascón

Trazantes — Mon, 05 Jul 2010 20:32:32 +0000

Os Trazantes de Tenorio recibimos o Premio “Irmáns Pichel” durante o VII Memorial de Ricardo Portela en Viascón, en recoñecemento pola nosa labor de promoción do folclore cotobadense alá onde imos.

Excursión ao parque acuático de Amarante (Portugal)

Trazantes — Thu, 01 Jul 2010 19:06:41 +0000

O 17 de xullo Os Trazantes vamos de excursión ao parque acuático de Amarante (Portugal) durante parte do día, para rematar a xornada coa actuación no Festival Folclórico Internacional de Amarante.

Todos podedes vir. Saída ás 8:45 do IES de Cotobade. Confirmar antes do día 12 de xullo nos teléfonos de contacto ou por e-mail.

Os prezos son:

Socios: Gratis
Familiares socios: 10 euros
Non socios (adultos): 20 euros
Non Socios (nenos ata 12 anos): 12 euros

Festival Internacional de Cotobade 11 xullo 2010

Trazantes — Wed, 23 Jun 2010 20:23:18 +0000

Nesta nova edición do festival participarán, coma en anteriores ocasións, grupos folclóricos internacionales procedente de Centroeuropa ou América, así coma o grupo de Os Trazantes.

Este ano acompañaránnos a Asociación Cultural Proleter de Sarajevo ( organización cultural máis antiga de Bosnia -Herzegovina, fundada en 1905) e a Asociación Folclórica Princesa Iraya (do barrio de San Bartolomé de Geneto), pertencente ao municipio de La Laguna (Tenerife).

A partir das 19h no adro de Tenorio, se o tempo acompaña. Se chove trasladarase ao Pavillón Municipal de Tenorio.

Memorial Ricardo Portela en Viascón 3-4 xullo 2010

Trazantes — Wed, 23 Jun 2010 20:18:37 +0000

Os vindeiros 3 e 4 de xullo vaise celebrar na Carballeira da Portela de Viascón unha nova edición do Memorial de Ricardo Portela .

Pola noite, o día 3 haberá un concerto do grupo Leilía a partir das 22h da noite.

O día 4, haberá un xantar popular así coma a entrega de premios do concurso de gaita. Para asistir hai uns bonos-xantar á venta nos establecementos de Viascón ou en Ernesto Filgueira en Pontevedra.

Estades todos invitados!!!!!

Festa do Requeixo na Corredoira 20 xuño 2010

Trazantes — Wed, 23 Jun 2010 20:09:57 +0000

O grupo de Os Trazantes remataron as festas que se celebraron este pasado fin de semana na veciña parroquia de A Corredoira (Cotobade). Alí veciños e rapaces bailaron o son dos nosos gaiteiros Andrea, Álvaro, Carlos e Jose xunto coas pandeiretas de Carmen, Esther e María.

Resaltar tamén que foi o día de estreno das nosas rapazas máis cativas do grupo Carme Garrido e as xemelgas Laura e Lucía Ovelleiro. Fixéronno moi ben e arrancaron moitos aplausos entre os asistentes á festa.

Serán de Viascón 19 xuño 2010

Trazantes — Wed, 23 Jun 2010 20:01:55 +0000

O pasado sábado poidemos comer unha boa sardiñada con pan e bo viño en Viascón, así como escoitar a nosa música tradicional a cargo de grupos como Os Trazantes , Chichisos, etc. nun pequeno serán que reuníu á xente nun ambiente moi festivo, en vísperas de San Xoán. Todo o mundo se puxo a cantar e a bailar ata a moi entrada a noite.

Feira de Cuspedriños 30 maio 2010

Trazantes — Wed, 23 Jun 2010 19:53:53 +0000

Como ven sendo habitual, Os Trazantes participaron novamente nesta nova edición da Feira ,que recolle o noso pasado máis lonxano. Fomos ata alí nuns vellos autobuses da empresa Cuíña, rememorando aqueles antigos viaxes que facían os nosos avós ou bisavós. Así, poidemos disfrutar dun día fermoso, en compañía da xente e doutras formacións como a Asociación do Traxe Galego ou Foula de Cotobade. O máis chamativo é poder ir vestido de época o cal nos divirte moitísimo a todos os que asistimos.