Serán en Tenorio

19 Decembro, 2007 – 10:11 a.m.

Este sábado día 22 a partir das 21 horas terá lugar en Tenorio un serán que se emplazará na Casa da Música. Esta actividade, organizada pola Concellería de Cultura do Concello de Cotobade, pretende extender o circuíto de seráns de inverno que teñen lugar dende hai varios anos pola provincia de Pontevedra.

Os seráns eran festas espontáneas que tiñan lugar, sobre todo, no sur de Galicia á tardiña (ou serán, de aí o nome) e onde a nosa musica tiña unha presenza fundamental. Duns anos ata a data diferentes asociacións están intentando recuperar este prezado patrimonio inmaterial e devolverlle á música e ó baile tradicional a súa razón de ser: obxecto de diversión e instrumento de relación social, emparellamento…

Nesta ocasión Tenorio será o esceario e os protagonistas serán Os Trazantes de Tenorio, Foula, Iván Costa, O Caruncho, a Banda de Música de Tenorio… e, sobre todo, vós, todos os que vos queirades achegar e participar.

Por Trazantes | Publicado en Novas | Comentarios (0)

Trazantes e Cruz Vermella festexando o Nadal

1 Outubro, 2007 – 08:02 a.m.

O grupo de cantareiras dos Trazantes de Tenorio realizará unha actuación solidaria o vindeiro xoves 18 de decembro na sede da Cruz Vermella para festexar cos maiores estas festas tan especiais. Os Trazantes agradecen, unha vez máis, a oportunidade de colaborar cunha institución senlleira como é a Cruz Vermella.

Por Trazantes | Publicado en Novas | Comentarios (0)

Festa da filloa en Valongo

21 Xullo, 2007 – 23:00 p.m.
1 Setembro, 2007

O 12 de setembro, actuación dos Trazantes na festa da filloa en Valongo.

Por Administración | Publicado en Calendario, Novas | Comentarios (0)

Festa do patrono de Viascón: Santiago

21 Xullo, 2007 – 22:53 p.m.
25 Xullo, 2007
08:00 a.m.to14:00 p.m.

O mércores 25 de xullo, os veciños de Viascón vanse erguer ó son das alboradas interpretadas polo grupo de música tradicional dos Trazantes.

Por Administración | Publicado en Calendario, Novas | Comentarios (0)

Día da Música Tradicional Galega en Monforte de Lemos

23 Maio, 2007 – 00:57 a.m.
12 Agosto, 2007

O 12 de agosto de 2007, domingo, os gaiteiros de Os Trazantes farán un pasacorredoiras pola mañá e o grupo de baile actuará ás 20:30 no día da Música Tradicional Galega en Monforte de Lemos.

Por Administración | Publicado en Calendario, Novas | Comentarios (0)

Actuación da escola de gaitas no Corpus de Pontevedra

22 Maio, 2007 – 00:50 a.m.
10 Xuño, 2007
09:00 a.m.to14:00 p.m.

O 10 de xuño de 2007, domingo, a Escola de gaitas de Os Trazantes participará pola mañá na tradicional festa de Corpus Christi en Pontevedra.

Por Administración | Publicado en Calendario, Novas | Comentarios (0)

Festa do Santo Cristo de Xende, A Lama- 3 de xuño 2007

21 Maio, 2007 – 11:14 a.m.
3 Xuño, 2007
10:00 a.m.to15:00 p.m.

Actuación pola mañá de todo o grupo na festa do Santo Cristo de Xende, A Lama, o día 3 de xuño de 2007, domingo.

Por Administración | Publicado en Calendario, Novas | Comentarios (0)

Volve a Feira de Cuspedriños o 20 de maio de 2007

7 Maio, 2007 – 19:59 p.m.
20 Maio, 2007
11:00 a.m.to23:59 p.m.
Feira de Cuspedriños

Cuspedriños existe: atópase na parroquia de San Xurxo de Sacos, en Cotobade, e a súa feira volta o vindeiro 20 de maio despois de moitos anos sen se celebrar.
Os Trazantes non podían faltar para animar a festa.

O día anterior, o 19 de maio, no recinto da feira presentaránse as festas gastronómicas de Cotobade e haberá coloquios e a proxección dun vídeo lembrando as feiras no medio rural segundo o seguinte programa:

SÁBADO 19 DE MAIO
17:00 No recinto da feira, presentación das festas gastronómicas do concello e obradoiros demostrativos: Festa do Queixo da Corredoira, Festa da Filloa de Valongo.
18:00 Obradoiro de elaboración de conservas naturais a cargo da empresa Alimentos Amorodo.
19:00 Charla e coloquio sobre as feiras no medio rural no século anterior e no caso particular de Cuspedriños: historia, desaparición e recuperación.
20:00 Proxección do vídeo “Lembranzas da feira” con testemuños de de distintos veciños que a visitaron e aínda a lembran.
20:30 Degustación de tapas e actuación das Pandereteiras de Soutomaior.

DOMINGO 20 DE MAIO
11:00 Apertura dos postos de venda
12:00 Chegada do autobús de época (cedido pola empresa Autocares Cuiña) con personaxes da época, músicos e saltimbanquis.
13:00 Misa na capela da Virxe do Carme
14:00 Xantar popular

A feira prolongaráse ata a noitiña coas seguintes atraccións:

Postos de comidas e tapas: pulpeira, callos, carne guisada, caza, empanada…
Animación: o cantar de cego, o afiador, o ferrador, o home dos lentes, o fotógrafo minuteiro, os saltimbanquis, os gaiteiros…

Os gaiteiros, os danzantes e os tendeiros levarán roupa de época.

Servizo de gardería con monitores de tempo libre e xogos populares.

Chegar a Cuspedriños

¡Agardámosvos en Cuspedriños!

Por Administración | Publicado en Calendario, Novas | Comentarios (1)

ADSL EN COTOBADE ¡XA!

23 Novembro, 2006 – 10:14 a.m.

Se vos interesa asinar, contactade con Sonsoles no 649 87 05 85. Graciñas.

ADSL en Cotobade ¡XA!Don Manoel Loureiro Adán
Alcalde do Concello de Cotobade
Chan, 11
Carballedo

 

Tenorio, 30 de novembro de 2006.

Prezado Sr. Alcalde:

Dirixímonos a vostede para poñerlle de manifesto que ben entrado o século XXI e en plena era da información e da comunicación o noso concello segue sen contar coas infraestructuras necesarias para o correcto uso dalgunhas tecnoloxías da información e da comunicación máis extendidas na actualidade.

De todos é ben sabido que Internet, hoxe por hoxe, constitúe unha ferramenta fundamental de traballo e comunicación, nembargantes, os veciños de Cotobade seguimos sen ter a posibilidade de contratar liñas de alta velocidade como si o poden facer os habitantes de concellos limítrofes como Pontevedra ou Cerdedo.

O obxecto desta carta non é outro que manifestar o descontento de moitos colectivos, empresas e particulares por este feito, para o cal asinan esta carta, coa esperanza de que o Concello poda intermediar coas compañías adicadas a prestar estes servizos.

Agardando poder contar en breve cunha liña ADSL en Cotobade, asinan esta carta:

Se vos interesa asinar, contactade con Sonsoles no 649 87 05 85. Graciñas.

Por Administración | Publicado en Artigos, Novas | Comentarios (0)

Nova Xunta Directiva da A.C Os Trazantes de Tenorio

16 Setembro, 2006 – 17:22 p.m.

O pasado xoves 14 de setembro tivo lugar o relevo dos membros da Xunta Directiva da asociación. A actual xunta está composta por:

Nuria González (Presidenta)

María Pichel (Vicepresidenta)

Belén Suárez (Tesoureira)

Ana Casal (Secretaria)

Esther Fentanes (Voceira)

Sonsoles Martínez (Voceira)

Despois da magnífica xestión realizada pola xunta anterior a nova directiva agarda ilusionada continuar traballando pola continuidade e mellora da asociación. Tamén quere agradecerlle aos pais e aos membros da asociación a colaboración prestada durante o pasado curso.

Por Trazantes | Publicado en Artigos, Novas | Comentarios (0)