Dende a Asociación Cultural Os Trazantes de Tenorio intentamos conservar do xeito máis fiel a tradición dos nosos ancestros. Facémolo mediante a recreación de bailes e pezas, vestimentas, cantigas…
Na actualidade a asociación conta coa escola, onde se imparten clases de:
- Baile tradicional galego
- Gaita
- Percusión
- Pandeireta e canto
- Música e movemento para os máis cativos.
Todas as actividades están adaptadas aos diferentes niveis de aprendizaxe, dende iniciación ata perfeccionamento. 
Dentro da actividade de baile tradicional cabe destacar a diferenciación en 4 categorías, dende a escola (cos rapaces máis cativos), o grupo dos medianos, maiores e o grupos dos veteranos.
A actividade de música e movemento está dirixida aos máis cativos da casa, para facer un primeiro acercamento á nosa cultura. Nesta actividade aprenderemos algún baile, coñeceremos os instrumentos tradicionais e xogaremos con eles.
